شَلَم هاوار کی ایوشه مانشت کو

آگرم دانه باوانم ها کو

مه له خوم بَدتر اِرا قلارنگ

غم بوی و بارم و دلم هاته تنگ

وینه کبیرکوه قله اناران

داریله سوزیان له سر کلاوان

کویه برجعلی ملک شش وَنِ

آگره دانه بِن له بان بِن

و ینه باوه یال غم بوی و باره

داد رسه نیره بایگو دیاره

هی داد هی بیداد هی هاور هی رو

دینار کو سوزیا بوی وه پَتَه سو

وو دم آگروو گِره ناریه

غم اِ دنیا گِشته باریه

آسمان گیره و حال دله

ویاد روژیل خرمان و گلِ

و حال سنجاب آگره پَره

ماریل برشیای نو خوله مره

سوسگ یتیم، کوک بی کسه

بالو پر سوزیاگ بی فریاد رسه

خرگوش باهوش، روای فن بازه

کفتار و شکار، گرگ و ورازهِ

عقاب و شاهین، مار و کیسله

قلاو کموتر پشه عسلِ

ملیل سوزیاگ هر کس نناسه

خرس و پلنگ و شکار خاسه

کلو بزنیل بان مغاره

آخر شریل دایم غم باره

وصیت کِردنسه ستاد بحران

جنازه کولمان بون ارا تهران

بویش یه سند هزاران کووه

خاکمان بکن له مال نوه

شاید مسئولین السن له خاو

فکرمان بکن و بالگرد یا آو

هر کس را طبیعت نیتِ پاکه

قطعاً له آتش دوزخ بی باکه

یعقوبی غمین و غم بوی و باره

آزومندم واران بواره

واران بواره آگر بو خاموش